تبلیغات
دیلیمیز
  06:20 ب.ظ    ویرایش: - -
یازار: نژادمحمد

تلگرام دا بیزی ایزله بیلرسز

   


یوروم()   
  07:07 ب.ظ    ویرایش: چهارشنبه 16 آذر 1390 07:08 ب.ظ
یازار: نژادمحمد
یازی‌نین قونوسو: پروقیراملار(برنامه لر) ،

بایاتی فالی توركلرده اولان ان قدیم فال لارداندیر

اسكی دن بونو بیر نئچه نفر بایاتی بیلن آداملا توتاردیرلار

آمما دای ایندی سینه لریمیز بو گؤزل سؤزلردن بوشالیب

اونا گؤره بیز چالیشدیق بونو بیر بیلگی سایار یازیلیمیلا یئنی دن جانلاندیراق

البته  اسكی كی كیمین ائتمك موكون دئییل

بونلار یازیلیمدا آرتیق آچیقلانیبدیر.

 

ائندیر-دانلود

یاردیم لینكی

بو پروقیرام اوچون .NET Framework پروقیرامی لازیمدیر اگر بیلگلی سایارینیزدا قوشولو اولماسا بوردان دانلود ائدیب و قوشا بیلرسی نیز

بو یازیلیم دا 2150 بایاتیدان فایدالانمیشیق.

حاضیرلایان:اوختای نژادمحمد

   


یوروم()   
  08:57 ب.ظ    ویرایش: - -
یازار: نژادمحمد

صامیتلر

صامیتلر صایتلردن تامامیله فرقله‌نیر. بۇ اوْنلاردا ساکیت توْن

عوضینه، کۆیون اۆستونلوک تشکیل ائتمه‌سیندن عبارتدیر. بۇنا گؤره ده

صامیتلری اۇزون تلفّوظ ائتمک اوْلماز. آذربایجان دیلینده 23 صامیت

حرف واردیر: ب B، چ Ç، ج C، د D، ف F، گ G، غ Ğ، ه(ح) H، خ X ، ژ J، ک K، ق Q، ل L، م M، ن N، پ P، ر R، س(س،ث،ص) S، ش Ş،

ت(ط) T، ی Y، و V ، ز(ظ،ذ،ض) Z.

صامیتلرین بؤلگوسو

صامیت سسلر آشاغیداکی اساسلارا گؤره تسنیف ائدیلیر.

1. سس تئللری‌نین ایشتیراکینا گؤره؛

2. توْن و کۆیون یئرینه گؤره؛

3. عمله گلمه یئرینه گؤره.

1. سس تئللری‌نین ایشتیراکینا گؤره صامیتلرین بؤلگوسو.

بۇ اساسا گؤره صامیتلر کار و جینگیلتیلی اوْلاراق 2 قروپا بؤلونور.

جینگیلتیلی صامیتلرین تلفّوظو زامانی سس تئللری فعال ایشتیراک

ائدیر. اوْنلارین گریلمه‌سی نتیجه‌سینده صامیتلر جینگیلتیلی اوْلور. جینگیلتیلی

صامیتلر بۇنلاردیر: ب، بئش ، گ، ق، غ، د، ج، ز، ی، ل، م، ن، ر، ژ.

کار صامیتلرین تلفّوظونده ایسه سس تئللری، دئمک اوْلار کی، ایشتیراک

ائتمیر. دئمه‌لی، هر جینگیلتیلی صامیتین کار قارشیلیغی اوْلور: ب-پ، بئش -ف،

ق QK، د D-ت(ط) T. کار صامیتلر بۇنلاردیر: پP، ک K، س S، ت T، ف F، خ X ، ه (ح) H، چ Ç، ش Ş، ک́ K، خ́ X.

2. توْن و کۆیون ایشتیراکینا گؤره صامیتلرین بؤلگوسو.

اصلینده صامیت سسلرین تلفّوظونده توْن آز اوْلور. بۇ اساسا گؤره

صامیت سسلر 2 قروپا بؤلونور. 1-جی قروپا داخیل اوْلان صامیتلرده کۆی

اۆستون اوْلور. بئله صامیتلر 2 قروپا بؤلونور؛

آ) کۆیلو-جینگیلتیلی صامیتلر: ب B، و V، ق Q، غ Ğ، ژ J، ز(ظ،ذ،ض) Z، ی Y، گ G، ج C، د D، ل L، م M، ن N، ر R.

ب) کار صامیتلر: ک، پ، ت، س، ف، ک، ت، ه، اوْن ، چ، ش.

 

   


یوروم()   
  08:57 ب.ظ    ویرایش: - -
یازار: نژادمحمد

قوْشا صایتلی سؤزلرین یازیلیشی و تلفّوظو

آذربایجان دیلینده بیر سێرا قوْشا صایتلی آلینما سؤزلر واردیر.

اوْنلاری 2 قروپا آییرماق اوْلار:

1. عینی جینسلی قوْشا صایتلی سؤزلر. اوْنلار اوْلدوغو کیمی یازیلیر،

لاکین تلفّوظ زامانی اوْ صایتلردن بیری دۆشور، اوْ بیریسی ایسه اۇزون

تلفّوظ اوْلونور: ساعت - [سا:آت]، معاش - [ما:آش]، جاماعت - [جاما:عت]،

تأسف - [ته:سسوف] و س.

2. ترکیبینده مۆختلیف جینسلی صایت اوْلان سؤزلر. اوْنلاری دا 2

قروپا آییرماق اوْلار:

آ) ترکیبینده مۆختلیف جینسلی صایت اوْلان سؤزلر اوْلدوغو کیمی

یازیلیر، لاکین تلفّوظ زامانی اوْنلاردان بیری دۆشور، ایکینجیسی ایسه

اۇزون تلفّوظ اوْلونور: مۆعللیم - [مه:للیم]، مۆعالیجه‌‌ - [ما:لیجه]،

سعادت - [سا:دت] و س.

ب) ترکیبینده مۆختلیف جینسلی صایت اوْلان ائله سؤزلر ده واردیر

کی، اوْنلار اوْلدوغو کیمی یازیلیر، لاکین تلفّوظ زامانی اوْنلارین

آراسینا بیتیشدیریجی «ی» صامیتی آرتیریلیر: عائله‌‌ - [آییله]، سیده -

[سییده]، رادیوْ - [رادییوْ]، پوْئما - [پوْیئما] و س.

آذربایجان دیلینده ایشلنن آلینما سؤزلرده قوْشا صایتلی و

صامیتلی سؤزلر واردیر: جاماعت، ساعت، تعجب، معاش، البته‌‌، حتی،

ستتار و س. قوْشا صامیتلی سؤزلر تۆرک منشأ‌لی ده اوْلا بیلر. مس.:

سککیز، یئددی، دوْققوز، ساققال، چاققال و س.

تاپشیریق. قوْشاسسلی سؤزلره عاید بیر نئچه مثال تاپیب جۆمله‌‌ده

ایشله‌دین. بئله سؤزلرین دۆزگون تلفّوظونو اؤیره‌نین.

   


یوروم()   
  08:56 ب.ظ    ویرایش: - -
یازار: نژادمحمد

صایتلر

آذربایجان دیلینده 9 صایت سس واردیر: آ A، اێ I، اوْ O، اۇ U، ائ E، ه Ə، ای İ، اۆ Ü، اؤ Ö.

صایت سسلر آشاغیداکی پرینسیپلره گؤره بؤلونور:

1. عمله گلمه یئرینه گؤره.

قالین صایتلر. بۇنلارا آرخا سێرا صایتلری ده دئییرلر: آ A، اێ I، اوْ O، اۇ U؛

اینجه صایتلر: ائ E، ه Ə، ای İ، اؤ Ö، اۆ Ü.

2. دوْداقلارین ایشتیراکینا گؤره: اوْ O، اۇ U، اۆ Ü، اؤ Ö؛

بۇ پرینسیپه گؤره ده صایتلر 2 قروپا بؤلونور:

دوْداقلانان صایتلر: اوْ O، اؤ Ö، اۇ U، اۆ Ü؛

دوْداقلانمایان صایتلر: آ A، اێ I، ائ E، ه Ə، ای İ.

3. دیل اۇجونون اۆست داماغا دوْغرو قالخیب-ائنمه‌سینه گؤره ده ایکی

یئره بؤلونور:

آچیق صایتلر: آ A، اوْ O، ائ E، ه Ə، اؤ Ö.

قاپالی صایتلر: اێ E، ای İ، اۇ U، اۆ Ü.

   


یوروم()   
  08:54 ب.ظ    ویرایش: - -
یازار: نژادمحمد

دانیشیق سسلری

آذربایجان دیلینده 32 حرف، 33 سس واردیر. بۇ سسلرین هر بیری

خۆصوصی ایشاره‌لرله – حرفلرله گؤستریلیر.

حرفلرین مۆعیین سێرا ایله دۆزولوشونه الیفبا دئییلیر.

آذربایجان دیلینده‌کی سسلر آشاغیداکی حرفی ایشاره‌لرله

گؤستریلیر:

آ، ب، ج، چ، د، ائ، ه، ف، گ، غ، ه، اوْن ، اێ، ای، ژ، ک، ق، ل، م، ن، اوْ، اؤ،

پ، ر، س، ش، ت، اۇ، اۆ،و ، ی، ز.

تاپشیریق. آذربایجان الیفباسینی سێرا ایله ازبرله‌یین.

آنا دیلیم

قالخیب شاه داغینا سؤز ایسته‌ییرم،

چاتسین های-هاراییم دینله‌ینلره.

من نانکوْر دئییرم، ناجینس دئییرم.

اؤز آنا دیلینی بیلمه‌ینلره!

یاد دیلدن پای اۇموب کیشی دیلنمز،

بۇ لکه اۆستوندن هئچ واخت سیلینمز.

فۆضولی شعرده کیمدیر بیلینمز –

اؤز آنا دیلینی بیلمه‌ینلره!

بئینینه گیرمه‌دی آنا اؤیودو،

اصیلسیز یاشاییب اوْ بیج بؤیودو.

گؤروم حرام اوْلسون قوْی آنا سۆدو –

اؤز آنا دیلینی بیلمه‌ینلره!.... (توْفیق بایرام)

   


یوروم()   

دیلیمیز